tabarayi's Blogs

Imam (ajtfj) ne saaf saaf kaha hai ke ghaibet-e-kubra ke zamaney mey raviyan-e-ahadees se ruju karen ke wo tum per hamari janib se aisey hi hujjat hain jaisey hum allah ki janib se unper hujjath hain. yahan kaheen bhi lafz-e-"mujtahid" moujood nahi, aur taqleed-e-ghair-e-masoom ke qayel hazraath ka manna hai ke is se murad mujtahid hain. Wo becharey agar is baat per ghour karletey ke "Mujtahid" bhi arabi zaban ka lafz hai aur "ravi" bhi. Ravee kehtey hai usey jo kisi ki kahee baath, ya kisi guzrey huwey waqaye ko jyun ka tyun (as it is) likh kar ya kehkar bayan karey. Jab key mujtahid kehtey hain usey jo "Ijtehaad" karey. Ijtehaad baghair-e-aqle aur fahem nahi ho sakta. Aur kisi bhi shaks ka fahem ya uski aqle kisi bhi qoul ya ayet per us shaks ke liye tho hujjat hogi laikin dusrey ke liye hargiz hujjat nahi ho sakti. Maslan Imam-e-Moosa-e-Kazim (a.s) ke 3 sahabi teeno ko jawaban aik arabi ka hurf "jeem" mila aik ki aqle aur fahem ne faisla kiya ke is jeem se murad "jila-watani" hai aur usney jila watani aiqtiyar kiya, dusrey ko laga ke is jeem se murad "jabal" hai lehaza usney pahad ki balandi per qayam kiya, aur aik sahabi wahab bin amro (behlool-e-dana) ka fahem is jeem ke mana "junoon" tasleem kiya lehaza unhoney junoon aiqtiyar kiya. Aur phir Usool-e-kafi ki pehli jild kitabul aqle mey masumeen (a.s) ki hadees moujood hai jahan bayan huwa hai ke "har shaks se uski marefath/aqle wa fahem ke mutabiq sawal hoga" yeh nahi kaha gaya ke kisi mujtahid ki aqle ya fahem ke mutabiq sawal hoga. Jahan quran-e-nathiq ne yeh baat kahi waheen quran-e-samith ka bhi yehi faisla hai. Lehaza humey ravi se riwayet leni chahiye uski rai nahi. aur jab imam (a.s) ne kaha ke ghaibet ke daur mey raviyan se ruju karo tho tha roz-e-qayamat raviyon ka hona lazmi hai. Aur har wo shaks ravi-e-hadees hai jo aap tak ya tehreer mey ya taqreer mey hadees pesh karey.

Imam-e-Hassan-e-Askari (a.s) ne jahan lafz-e-faqeeh se ruju honey ki baath kahee wahan yeh mujtahideen hazraath within bracket ( ) mujtahid ka lafz ghused detey hain. Jab ke lafz-e-faqeeh bhi lafz-e-mujtahid ki tarha arabi lafz hai. Agar ravi ya faqeeh se murad mujtahid hota tho kya imam (a.s) ne (mazallah) na-kafi lafz ka istemaal kiya apney qoul mey? jab ke lafz-e-mujtahid aimma (a.s) ke ahadees mey aur ziaraath ke fiqron mey istemaal huwa hai. 350 hijri ke aik Alim Taqi uddin halabi ne apni kitab mey Imam-e-Ali (a.s) ka aik qoul darj kiya hai jahan moula (a.s) bayan kartey hain "jisney quran ki 500 ayeton mey hum mohammed wa aal-e-mohammed ke fazayel dikhaye wohi thi mujtahid hai" Aur Ali ibn-e-Hussain (a.s) ki ziarath ke fiqron mey aik fiqra hai ke "mujtahideen ko noor bakshney waley" Har shaks jo justaju/ijtehad karta ho azmath-e-aimma (a.s) ko janney ki wo mujtahid hai.

Aik zamaney daraaz se mera maruza raha un tamam hazraath se jo mantey hain ke wo "Taqleed-e-Mujtahid" imam (a.s) ke kehney per kartey hain, aik hadees kutubul arbah ke hawaley se mujhey dedey jahan imam (a.s) ne kaha ho ke "Mujtahid ki taqleed karo" laikin aaj tak kisi ne bhi aisi koi jhooti riwayet tak pesh nahi ki. Halankey sahiban-e-mimber aur sahiban-e-amama se bhi mera bilmushafa maruza raha. Yeh mera sawal khareeb 2006 se musalsil hai. Aur jin sahibeen se baath hoti hai wo yehi kehtey hain ke aap ko kal (tomorrow) yeh hawala mil jayega. Afsoos aaj tak unka yeh kal nahi aya.

Kitab ka hawala dekhney ke liye is link per click karen: http://www.facebook.com/photo.php?fbid=24057291601...