tabarayi's Blogs

<2;165> وَمِنَ النَّاسِ مَن يَتَّخِذُ مِن دُونِ اللَّـهِ أَندَادًا يُحِبُّونَهُمْ كَحُبِّ اللَّـهِ

Jab Sura-e-Baqra ki is ayet <2:165> ki tafseer Imam-e-Mohammed-e-Baqer (a.s) se dariyaft ki gayee tho Imam (a.s) ne irshaad farmaya jisey Hayatul quloob ki thisri jild ki Fasle-12, safa No.221 ki 6th aur 7th satar (lines) per Mohammed baqer Majlisi (a.r) ne darj kiya hai “woh Awwal (l.a) aur Duwam (l.a) hain jinko logon ne Imam bana liya, Un Aimma (a.s) ke alawa jin ko allah ne logon ke liye qarar diya hai”

Is ayet ke tarjumey aur Imam-e-Aali Moqam ki tafseer se jo baat wazey hoti hai wo yeh ke:<1> Ithaat sirf Allah ki honi chahiye, ya phir un Hadiyon ki jinhey Allah ne muntaqib kiya hai logon ki hidayet ke liye aur Allah ko yeh baat na-pasand hai ke koi kisi “ghairullah” ki ithaat karey.<2> Imam ki ithaath aur mohabbat Allah ki ithaat aur allah se mohabbat hai aur inkey alawa kisi aur ki ithaat ghairullah ki ithaat hai. <3> Halankey Abubakre (l.a) aur Omer (l.a) ne kabhi apney aap ko Imam honey ka dava nahi kiya, nahi in malyeen ko manney waley in dono malayeen ko kabhi imam kaha, laikin in malayeen ko deeni wa duniyavi mamelaath mey hakim jana aur in malyeen ki ithaat aur insey mohabbat ki tho ayet ne inhey Allah ka shareek qarar deney ki baat kahi hai is se yeh pata chalta hai ke jab koi shaks apney deeni wa duniyavi umoor mey Aimma (a.s) ke alawa kisi bhi ibn-e-adam ko hujjat qarar deta hai tho woh sehwan hi sahi Allah ka shareek usey banadeta hai aur is tarha se wo “Mushrik” ban jata hai.

Allah aur Aimma (a.s) ke kalam ki hikmat yeh hoti hai ke wo “kuliya” (formula) pesh kartey hain, Is ayet mey pesh kiye gaye formula ke mutabiq har wo shaks “Mushrik” hai jo apney deeni wa duniyavi umoor mey kisi ibn-e-adam ko hujjat janta ho, bhaley wo us shaks ko Imam na bhi kahey aur chahey koi aur mansab se usey janta ho. Agar hum kisi aisey shaks se sawal karengey jo shaikhain (l.a) ki ithaat karta ho aur un malayeen se mohabbat karta ho ke “kya wo in malayeen ki ithaat apni marzi se apney uper wajib karli hai?” tho unka jawab hoga ke “nahi, hum in malayeen se mohabbat aur in malayeen ki ithaat muthabiq-e-quran aur ahadees-e-nawabi ke sabab apney uper wajib jani hai” Usi tarha aaj ka shia-numa bhi jab kisi ibn-e-adam ki ithaat aur us se mohabbat karta hai tho woh bhi apney is amal ke zail mey Sura-e-Tauba ki ayet nishan 122 pesh karta hai, jo ke kisi bhi qadre unkey is nazariye ki daleel hargiz nahi banti, aur sheikh-e-sadooq ki “Ilalush shara” mey Imam (a.s) ki is ayet per tafseer ke baraks hai. Aur jo ahadees yeh hazraath pesh kartey hain unmey jis mansab se ruju karney ka hokum warid huwa hai wo mansab hai “Faqeeh” aur jin ollema ko ghaibet-e-kubra ke darmiyan Imam (ajtfj) ki janib se momineen per hujjat kharar diya gaya hai unki sifaath ka bhi bayan huwa hai jis mey aham hai ke wo “raviyaan-e-ahadees” hon jab ke la-tadaad fatawey in hazraath ke amaliyon mey miltey hain jo hadees-e-masumeen (a.s) ke baraks hain. Humarey liye hokum hai ke hum Quran ki ayeton per tadabbur wa tafakkur karen, uski tafseer Aimma (a.s) se len, aur Ahadees-e-Masumeen (a.s) ke mutaliq hukum hai ke Raavi se sirf rivayet len, aur uski “rai” se bachen. Jab ke kaseer tadaad in ahkamaath ki khilaaf warzi karti hai, Ahl-e-bait(a.s) ki mohabbat ka dum bhanrey waley 13 firqon mey se aksar firqey sura-e-Touba ki ayet ki tafseer Mutahideen se letey hain. Aur un logon me baaz jo ahl-e-ijtehaad ko bathil jantey hain laikin qud ahadees-e-masumeen (a.s) ke zimen mey sahiban-e-mimber se unki “rai” letey hain.

Aqir mey mein yehi dua karunga ke ba-tufail-e-Masumeen (a.s) hum tamam ko thoufeeq ata ho ke hum apna qud mohasiba Karen, aur mutamassik rahey sirf-o-sirf “Kitaballah aur Ahl-e-bait (a.s) se”
Ilahi ameen ya rab-al-alameen ba tufail-e-Masumeen (a.s)

Janab-e-yaqoob jo Hazrath-e-Meesum-e-Tammar ke farzand hain unhoney rivayeth ki hai ke wo aik baar Imam-e-Mohammed-e-Baqer (a.s) ki khidmath mey hazir huwey aur Imam (a.s) se arz ki ke, Aye Farzand-e-rasool (a.s) mein aap per fida hoon, Mujhey apney pidar-e-buzurgwar (Meesam-e-Tammar) ki tehreeron mey miltha hai ke Ameer-al-momineen (a.s) ne merey pidar-e-buzurgwar se farmaya ke “Aal-e-mohammed (a.s) ke dosth ko dosth rakho agarchey ke wo fasiq aur zinakar hi kyun na ho, aura al-e-mohammed (a.s) ke dushmano ko dushman rakho agar chey ke wo bada hi rozedar aur bada hi namaz guzar kyun na ho. (Hayat ul quloob Vol.III fasle No.12 Page No.230)

Janab Baqer Majlisi (a.r) ne kitab-e-Aiteqadaath-e-Imamia (urdu translation) ke safa No.69 per Ahadees-e-Masumeen (a.s) se aks karkey “Alam-e-Barzaq ki kaifiyat ke bayan” darj kiye hain jahan wo likhtey hain “Sawal –o-Jawab ke baad roohen misaali jimson mey muntaqil ho jati hain, is ke baad agar wo momin mey se they tho (baaz ki roohen tho) apni qabron ke upper rehti hain, jo apni ziarath karney walon per muthelah hoti hain, insey manoos hoti hain, aur inki ziarath se nafa-andoz (benefitted ) hoti hain aur baaz Najaf-e-ashraf ki wadi (wadi us salam) ki taraf muntaqil ho jati hain, aur baaz duniya wali jannat mey daqil ho jathi hain, iskey phal, mevey (Fruits) khati hain iskey nehron (river) se pani peethi hain, al-gharz iskey naimaton se luthf-andoz hoti hain jaisa ke quda farmatha hai, jo log quda ki raah mey shaheed ho jatey hain, inko murda qayal na karo balkey wo zindah hain aur apney parwardigar se rizq patey hain, quda ne apney faazal wa karam se inhey jo kuch ata farmaya hai wo is se qush wa qurram hain.
Aur agar marney wala kafir tha tho uski rooh ko athish-e-jahannum ki taraf lejatey hain, jahan usko qayamath tak azaab hota rehega aur agar wo zayeef ul aqle hoga tho baaz ahadees se yeh zahir hota hai ke usko qayamath tak mohlath dee jayegi aur usko alam-e-barzaq mey na jaza milegi na saza”
Aap hazraath is baat per ghour Karen, ahadees ki roushni mey jo baqer majlisi (a.r) ne alam-e-barzaq ka tasavvur pesh kiya hai, usmey Momin ke liye rahath, masarrath, qushi, wadi us salam mey jo ke jannat ka bagh hai wahan rehna, wahan ke naimathon se lutfandoz hona waghaira bataya gaya hai. Aur pareshani, azaab, naar, wa jahannum ka zikre kafir ke liye bataya gaya hai. Phir aaj ka mujtahid, ya aaj ka mullah jo momineen ko azab-e-qabre se daratha hai, kya wo momineen ko kafir samajhta hai? Ya wo log jo aisi nishisten munaqqid kartey hain, aur wo mullah jo majlis ke naam per munaqqid ki gayee nishiston mey azab-e-qabre aur barzaq ke azab se darathey hain kya wo shia ho saktey hain? Kyun ke ahadees ka munkir kafir hota hai. Jahan ahadees mey momin k liye barzaq mey rahath ka zikre hai wahan agar ko momin ke liye azab ka aqeeda rakhta hai tho kya wo munkir-e-ahadees nahi?

Sheikh Ibn-e-Babuye ne kaha hai ke mujhey Ali bin Baghdadi ne qabar dee ke mein baqra mey tha, Ibn-e-Jawsheerdah Shamsi ne mujhey soney ke chand tukdey diye ke Baghdad mey Husain bin Rooh ko dedoon. Aik tukda gum ho gaya, mein ne aik tukda usi wazan ke barabar qareed kiya aur usi mey mila diya, aur Hussain bin Rooh ke paas le-gaya. Jab mein ne khola, aap ne us khareed shuda tukdey ki taraf ishara kiya aur kaha ke is tukdey ko uthalo jo gum shuda ke aiwez tum ne qareeda hai, wo humarey paas pahonch gaya hai, aur haath badaya aur gumshuda tukda mujhey dikhaya, mein ne us tukdey ko pehchana. (Haq ul yaqeen vol.I Page No.343)

Janab Hussain bin rooh, ghaibet-e-soghra ke safer hain Imam-e-Zamana (ajtfj) ke tho itney ba-kamal hain ke ilm-e-ghaib rakhtey hain. Jab Safeer itna ba-kamal ho, ken a sir film-e-ghaib ka izhaar kiya balkey apney ilm-o-kamal ke zariye us soney ke tukdey ko hasil karliye, Phir “Nayeb” ko tho aur bhi zyada ba-kamal hona chahiye, kuch tho kamalaath aisey zahir hon ke muneeb jaisa lagey agar na lagey tho phir nayeb kaisa? Jab ke hum dekhtey hain ke fee zamana nayeb honey ke davedar apney mulk ki zameen ka kuch hissa hasil karney ke liye Batil se ithehaad ki ratt laga rahey hain, aur la-tadaad logon ki jaan ki bazi lagakar bhi usey hasil karney se ajiz hain. Allah ki lanath ho jhootey davedaron per.