shia1's Blogs » ShiaPal.com

Mein tou ayea tha ke Rehmaan ki toufeeq keron

Posted April 12, 2009 by shia1

Mein tou ayea tha ke Rehmaan ki toufeeq keroon

qalab-e-kamzaraf tujhey zaraf mein tabdeel keroon

halqa-e-shirk   mein us aik    ki tareef    keroon

kiyon bhala teigh chalaney ki mein taqleef keroon

tum meray ruab se   dunia se guzar   jaoo    gai

dekh   loon   aankh   utha   ke tou   mar jaoo     gai

mein tou aya hoon ke hamwaar rah-e-geer   keroon

ger tumehen maar bhi doon mout ki toheen keroon

tum samjhetey ho ke tum logoon se mer jauon ga

NA....qatal ho ke bhi mein zahenon mein utter jauon ga

tum   samajhtey ho ke Abbas(a.s) ko    mara tum ne

pushte   rahwaar se Ghazi(a.s) ko utara tum   ne

ger yeh socha hai to ghalat socha hai sara tum ne

mat samajhna ke meri janab se tumhey maafi hai

mera   Abbas(a.s) tou besar bhi tumhey kafi hai.....

Karbala se jo meri simat hawaein aaein

Posted April 5, 2009 by shia1

karbala se jo   meri simat hawaein aein
deir tak   girya o matam ki   sadaein   aien

phool mehkey jo baharon mein to socha mei ne
kin shaheedon ke liye surkh qabaien aien

muskuratey howay taroon ne jhoka lein ankhein
yaad jab bhi Ali ashgahr (a.s) ki adaein aein

bujh gaya jab shahe mazloom ke khamiey ka chiragh
pursa   deney ko bari deir hawaein aein ...........

jab bhi matam ke liye haath uthaye mein ne
merey hisey mein peghamber ki duaein aein

aasmano se jo takrayi hei feryad-e-Zainab(a.s)
qaber e Asgher (a.s)pe berasney ko ghataein aein

khaak uratei rahi rastey mein bari deir talak
bebioun ko jo kabhi yaad ridaein aein ...

naam-e-Abbas (a.s) liya phir meray dil ne mohsin
phir salami ko do aalem ki wafaein aein ....

kalaam of syed mohsin naqvi shaheed ......

17RABBI UL AWAL AIK ROSHAN DIN

Posted March 14, 2009 by shia1

Rasool Allah Mohammad (saw) wo habib e khuda jis ke liye Allaha ne aalemeen peda kiye or aap (saw) ko tamam aalemeen ke liye rahmat bana ker bheja.Is kayenaat ki her us cheez ke liye sarapa rahmat aur hidayat jo qabza e qudrat e khuda mein hai . 17 rabi ul awal aap ki waladdat ka woh roshan aur pur noor din jis din aesi roshni atraaf mein pheli ke jis se aalemeen jagmaga uthey .hadaayat ka aisa chiragh jis ki roshni qayamat tak hamare liye mashle rah hei .Isi noor ke silsley ki aathwey karri aur peghumbar e Islam ke chatey jansheen Sadiq ale mohammad (saw). jin ke ilm ki koi had nahi aur aap ke aloom ka ahata momkin nahi .aap ka naam Jafar (a.s)aur laqab Sadiq hai jo Rasool e khuda (saw)ne apni zindagi mein aap ko atta farmaya.jannat mein jafar nami aik shireen nahar hai isi ki munasbat se aap ka ye laqab hai.jesa ke aap ke ilm ka faize aam nehar-e- jari ki tarha tha.
Imam Jafer Sadiq (a.s) ki khidmat mein aksar abu hanifa hazar howa kertay aur aap unhey apney ilm se faida pohncha diya kertay thae.aik dafa abu hanifa aap ki khidmat mein hazar howay aap ne pucha mein ne suna hai tum masayel mein qayas kertay ho arz kia ji haan aap ne farmaya aisa na kiya karo deen mein qayas kerna iblees ka kaam hai .aap ne farmaya woh konsa kalma hai jis ka pehla hisa eman aur dosra kufar hai arz kia mujhey nahi maloom aap ne farmaya wohi kalma hai jo din raat perhtay ho Laillah kufar aur illallah eman hai .
Aik dafa kisi ne aap se sawal kia ke kia yeh momkin hai ke khuda is dunia ko aik anday mein samo de aur na anda bharay na dunia ghatay .aap ne kaha ke beshak woh her cheez pe qadir hai us ne kaha koi misaal dein aap ne farmaya is ke liye aankh ki aik choti putli kafi hai ke jis mein sari dunia sama jati hai na putli bharti hai na dunia ghatti hai .
Ajj ka yeh roshan din aap sub ko bohat mubarak ho . Allah hamay is noor se har momkin hadayat hasil kerney ki tofeeq atta karey .Aameen.