shia1's Blogs » ShiaPal.com

Posted December 26, 2009 by shia1

Ae ghairat-e-mariam tera bazaar mein jana
na bhool sakey ga isey ta hasher zamana....

kiyon zainab o kulsoom ki chinti hein ridaein
jao arai logo merey ghaazi ko bulana.....

tu dukhter-e-zahra hai nawasi hai nabi ki
ser nangey tera shaam ke bazaar mein jana...

ab khaak pe soye gi sakina teri kesey
tha tune sikhaya ussey seeney pe sulana....

uthti nahi baba se teri laash ali akbar
tha tu ne hi beta mere laasey ko uthana...

Mah-e-rajab ke Amaal

Posted July 7, 2009 by shia1

Mah-e-rajab un chaar mahenoo mein se aik hai jin mein kufaar se larai haram hai,,,Ameer-ul momineen (a.s) se riwayat hai ke mah-e-rajab mein jo shakhs aik roza rakhey ga us ke gunah maaf ker diye jaein gae...Is maheney ki pehli shab 15 shub aur akhri shub mein ghusal kerney ka bohat sawab hai...shub-e-awal aur 15 shub ko ziarat imam Hussain (a.s) perhney ka bohat sawab hai ....aur namaz-e-hazrat salman farsi (r.a) perheny ki bohat fazeelat hai ...is mah mein kasrat se talab-e-maghfirat kerein.....aur kehein
Asteghfiruallah wa asallu hu ul toubata........

her shab is maheney mein 1000 mertaba kahey
Lailaha ilalallaho ...........

is maheney mein 100 baar sura-e-qul ho wallaho ahad perhein...... aur is maheney mein 400 baar yeh isteghfaar perhein.......
asteghfiruallah allazi la illaah a illah o wahda hu Lashreeka Lahu waatubo illeyhi ......
Mola Ali (a.s) se riwayet hai ke jo shakhas her rooz mah-e-rajab o shabaan o ramzan mein 3,,,3 mertaba sura-e-alhammad ,,,ayet al kursi aur 4 qul perhey aur kahey
Subhan allah wal hammad olillah walaillaha illallahowallah o akbar wala hola wala quwata illa billah ilallizilazeem,,,,,3 mertaba darood paak aur 3 mertaba .....aallah humaaghfirlilmomineen walmominaat.....aur aur 400 martaba kahey astaghfirallah wa atoobo illaihi .........
tou allah us ke tamam gunah bakhash de ga aur agar tamam umer mein aik mertaba yeh amal kerey ga toh her haraf ke badle us ko 70 hazaar neikieian atta kerey ga
is maheney ki pehli tareekh imam Mohammad bakir (a.s) ki waladat ,,,,,teseeri tareekh imam Ali Naqi (a.s) ki shahadat ,,,,dasween tareekh imam mohammad Taqi (a.s) ki wiladat aur tearweeh tareekh mola Ali (a.s )ki waladat hai .....15ween tareekh imam Jafer Sadiq (a.s) ki shahdat aur 25ween tareekh shahdat imam Musa Kazim (a.s) hai....in tareekoon mein ziarat -e- jameia perhein is maheney ki 24 tareekh ko fathe Khaber hai ....
mah-e-rajab ki pehli aur akhri shub mein jagna aur ibadat mein mashghul rehna sawab-e-azeem hai...Allah hamey is maheney ki berkaat se faida uthaney ki toufeeq atta karey ....Ameen ........
I must have done spelling mistakes so please forgive me for that .......
Mohtaj-e-dua .....

HADEES-E-TASHAAT

Posted May 14, 2009 by shia1

Aik moqey per Panjaten paak (a.s) aur Hazrat Salman Farsi aur janab-e-fizza mojood thee..ke Allah ne Jibraeel-e-Ameen ke zeriye aik roshan tashaat behja ..jis mein shehad tha aur shehad mein baal se ziada bareek aik lakeer thi . Jibraeel (a.s) ne kaha ke perwerdigaar is se mutalaq misaalein sunna chahta hei ...
sub se pehley janab-e-fizza ne rasool allah saw se ijazat le ker aik misaal de
Janab-e-fizza.....
Khumas o zakat is tashat se ziada roshan ,,khumas o zakat ka nikalana is
shehad se ziada shereen,,,magar mustahiq tak is ka phunchana baal se ziada bareek......

BIBI FATIMA (a.s).....
Neik aurat is tashat se ziada roshan ,,neik aurat ki izzat shehad se ziada shereen,,,magar ta waqat-e-zaroorat izzat bacha le jana baal se ziada bareek.....

IMAM HASSAN (a.s).....
hakumat is tashat se ziada roshan ,,hakumat kerna shehad se ziada shereen,,,magar riayia ke saath insaaf ,,baal se ziada bareek....

IMAM HUSSAIN (a.s)....
Mehmaan is tashat se ziada roshan ,,,mehmaan meizbaan ke liye shehad se ziada shereen magar mehmaan ki rukhsat tak us ko khush rakhna baal se ziada bareek....

MOLA ALI (a.s)......
ilm tashat se ziada roshan,, ilm, talib ilm ke liye shehad se ziada shereen ,,magar ilm per amal kerna baal se ziada bareek.....

SALMAAN FARSI.....
Eman is tashat se ziada roshan ,,,eman momin ke liye shehad se ziada shereen magar mertey mertey eman pe baqi rehna baal se ziada bareek..

RASOOL-E-KHUDA (saw).......
Rahmat-e-parwerdigaar,is tashat se ziada roshan ,,rehmat-e-parwerdigaar bandoon ke liye shehad se ziada shereen,,parwerdigaar ke hukam pe amal kerna baal se ziada bareek......

ALLAH NE KAHA.......
Ahlebait (a.s) is tashaat se ziada roshan ,,mohabat-e-ahlebait (a.s) shehad se ziada shereen,,bughaz-e-ahlebait(a.s) dil mein rakh ker pul-e-sarat se guzerna baal se ziada bareek.......

Rab-e-Kaba ki qasam ab mein kaamyaab howa

Posted April 20, 2009 by shia1

Aaj   phir   Ahmad-e-mursal ka akhi aur wasi......

Malek kahein   ke mubarak ho fathayaab howa

Humey tha naaz teri zarbate   kheiber pe magar

Ghroor   aaj   is   ada   pe    be hisaab   howa..........

Zarb-e-muljam   pe tera jhoom   ke kehna   ae Ali (a.s)

Rab-e-kabaa ki qasam ab mein   kaamyaab   howa....

Ghabat-e-kubra aur momineen

Posted April 16, 2009 by shia1

youn tou ghabate kubra mein momineen pe bohat se zimadarayain aayed hoti hein lekin sub se aham zimadari imam ajf ka intezaar kerna hei ...aur aesa intezaar ke jis se intezaar ka haq ada ho jaye ..agar hum shidaat se un ka intezaar karein ge to hum apne baqi faraeiz bhi sahi tor se seranjaam dein gai...Imam Jafer Sadiq a.s ne fermaya ke jab mera ye farzand zahoor keray ga to is ke manany walon me se do tehai log is ke mukhalif ho jayien gei haq se moun morein gei..aur is ke khilaaf alam-e-jang buland kerien gei...yeh shetaan ki akhri koshish ho gie ke woh hum ko behkaye ...to ye aik almia he ke humari zindagi to Imam ajf ka intezaar kertey guzre aur jub aap zahoor fermayien to hamara shumaar un ke mukhalifeen mein se ho imam ke zahoor ke waqt jo log un ki mukhalafat kerein ge un mein aise kharabi ho gi jo unhey imam ajf ka mukhalif bana de gi agar hum apni zimadariyon ko pura kertei rahein to is gumrahi se bach sektey hein werna hum khasare mein hoon ge......kia is khasare se chutkara pane ka koi tareqa hei....is khasare se chutkara pane ka wahid tareqa he ke hum ghebate kubra mein imam ajf ke sath apna rabta ustwar rakhein ta ke zahoor ke waqt hum un ko pehchaan sakein .....
ab sawal ye he ke kesay ......
ulma akram ke mutabiq 50 amaal aesy hein jo ghabate kubra mein anjaam deney se imam ajf ke zahoor ke waqt humein un ko pehchaan leney mein madad kerein gei....un me se chand yeh hein ....
      SHUB - E - JUMA aur ROZ - E - JUMA
Allah ne shub-e-juma aur aur roz-e-juma ko imam ajf se makhsoos kia he..imam ajf ka zahoor is waqt ho ga jab shab-e-juma apne ikhtamam per aur jume ki fajar talooh ho rahi ho gi ...masoom a.s ne fermaya juma ke din ko zaya na kero ibadat mein susti na dikhao is din atayat ka sawab dugna aur gunah ka azab dugna hei ...
hazrat yusaf a.s ne apne walid se apne gunahoon ki bakhsish ki derkhawast ki unhon ne fermaya me bohat jalad tumhare liye talab-e-mughfarat keron ga is takheer ka sabab ye tha ke woh shab-e-juma mein saher ke waqt dua kerna chahtey thei...hadees mein he ke zameen o aasmaan mein jo kuch bhi he yahan tak ke sitare aur farishtey bhi Allah ne jumey ke din hi peda kiye....jis din hazrat adam peda howey in ke jism mein rooh dali gayi aur farishtoon ne Allah ke hukam se in ko sajda kia aur hazrat adam jannat mein dakhil howay aur hazrat hawa hazrat adam ke liye peda howein ye jumey ka din tha.....
isi din hazrat adam o hawa (a.s) ki toba qabool howi isi din aag hazrat ibrahim(a.s) ke liye gulzaar bani hazrat yaqoob (a.s) se bala door howi....rasool allah saw ne isi din janab-e-ameer (a.s)ko apna khaleefa banaya ....hamare imam ajf ka zahoor bhi isi din aur qayamat bhi isi din berpa ho gi ...aik hadees mein he ke shab ya roz-e-juma mein merney wala shaheed kehlaye ga aur fishar-e-qabar se mehfooz rahe ga aur qayamat mein Ahlebait (a.s)ke sath mehshoor ho ga ...
    AREEZA.....

jumeraat ke din ghroob-e-aftab ke waqt imam ajf ko areeza dalna chaheiy.areeza ke mani derkhwast pesh kerne ke hein yani imam ajf ko waseela bana ker jab tak imam ajf se mulaqaat nahi ho jati aap ki khidmat mein areeza pesh kerta he ...areeza pani ya masoom ki zareh ya phir zameen mein dafan ker dena chaheiy..

DAROOD

aik aham amal darood paak hei imam Jafer Sadiq (a.s) se riwayet he ke Ale mohammad pe darood bhejana hazaar neikiyon ke brabaer he is se hazaar derjey buland aur hazaar gunah maaf hotey hein ...jumeraat ke din se leker roz-e-juma ke ikhtamaam tak 100 baar ye darood perhein ....

Allah huma sale ala Mohammad wa ale Mohammad wa ajal ferja hum wa ahlek aadaiyehim minal jina wal ins min al awalleen walaakherein......

       NAMAZ_E_TAHAJUD

ye namaz (11) rakat he yoon tou is ko ghebate kubra mein her rooz perhna chaheiy lekin agar rozana nahi tou shab-e-juma zaroor perhein ...namaz-e-shab se rohani taqat hasil hoti hei aur ye imam ajf se rabta qaim kerne ka behtreen tareeqa hei is namaz ke tawasat se imam ajf se madad mangein phir dekhein kitni jald imam ajf mushkil hal kertein hein imam (a.s)ne teen kamoon ko anjaam deney ki takeed ki he
1) NAMAZ-E-TAHAJUD

2) ZIARAT-E-JAMIYA

3) ZIARAT-E-AASHURA

roz-e-juma namaze fajr ke baad imam-e-zamana ajf ki ziarat perhein juma ke din ka aghaaz imam ajf ke haath per baeit se kerein ... hum kahein bhi hoon is din hum imam ajf ke mehmaan hein ....is ziarat ka akhri jumla yeh he ke ae Allah yeh ahed aur yeh baeit jo mein ne imam ajf se kiya is ka touq qayamat tak meri gerdan pe rahe ....ibn-e-taous ke mutabiq agar koi 40 din tak is dua ko perhta rahey to imam ajf ke zahoor ke waqt imam ajf ke saathioun me se ho ga ...

       DUA-E-NUDBA

is dua ka waqt suraj nikelney se le ker do ghantey  tak ka hei .....4 mowaqey per is ka perhna sawab hei ....
1) Eid - ul -Fitar

2) Eid - ul - Adha

3) Eid - e - Ghadeer

4) Shab - e - qadar

nudba ke maani rooney aur girgraney ke hein ....koi sakhs jo imam ajf ki judai mein rota aur feryad kerta hei kisie bachey ki manand ....aur apne takleef aur pereshani ko imam ajf se beyan kerta hei rawayet he ke is dua ko perhney waley ke pass imam tashreef latey hein imam a.s ne fermaya ke hamare shia 4 eidon mein humey zaroor yaad kertey hein jab pucha kesey to aap a.s ne dua-e-nudba taleem di

aap ne fermaya

dua-e-nudba hamari yaad hei

dua-e-nudba hamara islam hei

dua-e-nudba hamari ziarat hei

agar ziarat-e-warsa imam hussain a.s se mukhtib honey ka tareeqa hei to dua-e-nudba imam -e- zamana ko pukarney ka zariya hei....
is ke alawa jo aamaal roz-e-juma se munslik hein un mein

1) ziarat - e - aleyaseen
2) ziarat - e - isteghasa
3) namaz - e - imam-e-zamana

Allah humey in amaal ko pura kerne aur imam -e- zamana ajf ka intezaar puri shidat aur mohabbat se kerne aur un ke zahoor ke waqt hamara shumaar un ke saatheioun mein kerey... ... Ilahi Ameen......