Hukm-e-Allah ba zabani Imam (as)
Man la Yazarul Faqeeh Jild awwal Hadees No.908:- Imam-e-Jaffer-e-Sadeq (as) ne farmaya "Aurath per na Azaan hai aur na Aqamath" Furu-e-Kafi, Kitab al salvath baab(chapter) 17 Hadees No.19:- Raavi ne Imam(as) se poocha "kya aurath ke liye azaan wa aqamath hai?" Imam (as) ne farmaya "Nahi"
*Kuja*
Davedaraan-e-raaviyan-e-ahadees (Mujthahedeen) ka Fathwa:
Agha Qumaini bani-e-wilayeth-e-faqi ke amaliye ke safa No.146 per masla No.915:- "Mard aur aurath ke liye musthaheb hai ke panjagana namaz se pehle azaan aur aqamath kahein. (deegar mujthahedeen bhi yehi fathwa diye hain)
*Kuja*
Hukm-e-Allah ba zabani Imam (as)
Furu-e-Kafi, Kitab As-salvath, Baab (chapter) 23 Hadees No.04 :- Hz. Ameer-al-Momineen (as) ne farmaya "Jo ruku mein seedhi pusht nahi kartha uski namaz durust nahi hai"
Davedaraan-e-raaviyan-e-ahadees (Mujthahedeen) ka Fathwa:
Agha Qumaini amaliya (Thouzi-ul Masayel) Safa No.159 Masla No.1021:- Har rakaat mein qiraath ke baad itna jhukey ke insaan apney haath zanu per rakh sakey aur is amal ko ruku kehtey hain.
Agha Sistani:- Safa No.162 Masla No.1031:- Zarurath hai ke har rakath mein qiraath me baad is qader jhukey ke apni ungliyon ke sirey ghutnow per rakh sakey aur is amal ko ruku kehtey hain.
Dono mujthahedeen ke fathwon per amal karney se hargiz bhi pusht jhuk to sakti hai per seedhi nahi ho sakti Imam(as) faisla detey hain ke agar pusht seedhi nahi huwi to wo ruku nahi. Kyan yeh Hadees ke muthabiq hai? yeh dekhne ke baad hum to sirf itna hi keh saktey hain ke Hadees-e-Masum(as) kuja aur Mujthahedeen ka fathwa Kuja.
Hukm-e-Allah ba zabani Imam (as):-
Furu-e-Kafi-Kitab assalawaath, Baab (chapter) 20 Hadees No.20:- Raavi kehta hai ke mein ne chend roz Imam-e-Jaffer-e-Sadeq (as) ke peechey namaz padhi, Hazrath(as) ne jin namazon mein jeher nahi hai (yani, jo namazein ba awaz-e-buland nahi padhi jathin, masalan zohar aur asar in mein bhi "Bismillah hir rehmaan nir raheem ko ba-awaaz-e-buland padha aur thamaam surathon mein bhi. (Patha chala ke har namaz ke suron mein bismillah hir rehmaan nir raheem ba-awaz-e-buland padna chahiye) ab dekhengey ke:-
Davedaraan-e-raaviyan-e-ahadees (Mujthahedeen) ka Fathwa: kya kehta hai?
Agha Qumaini:- safa no.158, Masla No.1007:- Agar koi shaks thisree aur chohti rakaath mein alhamd padhey to ehtiyaath-e-wajib yeh hai ke bismillah hir rehmaan nir raheem ahista padein.
Kya yeh fatwa aap ko muthabeq-e-hadees-e-Masum (as) lagta hai? Hum to sirf yehi kahengey ke Hadees-e-Masum (as) Kuja aur Mujthahid ka Fathwa Kuja?
