HADEES-E-KISA KE ASNAAD (CHAIN OF NARRATORS)

Salamun Alaikum YAM,
Muqassireen ke qaimey se eik tanqeed chali hai, jo ke pehley aliyan waliullah ke muqalefeen jinsey fazayel-e-Ahlul Baith (a.s) bardasht nahi hotey they wo kiya kartey they per fi-zamana bazahir aliyan waliullah ki gavahi deney waley bhi is per tanqeed kiya kartey hain ke "Hadees-e-Kisa" ke asnaad nahi hain aur yeh hadees zayeef hai aur kehtey hain ke is ke badley "Dua-e-Kumail" padhi jaye. Laikin wo yeh nahi jaantey ke in dono mein se afzal kya hai? Dua-e-kumail, Moula Ali (a.s) ke taleem karda dua hai aur Hadees-e-Kisa mein hadees-e-qudsi hai yaney ke allah ki kahi huwi baath. Bazahir apney aap ko touheed parast bataney waley Kalam-e-mabood ke muqabil kalam-e-abde ko tarjeeh detey hain. Aur yeh sirf isi liye ke Hadees-e-Kisa mein Mohammed (saws) wa aal-e-Mohammed (a.s) ke fazayel ke samandar numaya hain aur Dua-e-Kumail mein unhey (Mazallah) Moula ajiz dikhayi deta hai, per wo is baath ko ghour nahi kartey ke Moula Ali (a.s) ne apney chahaney waley ko Dua ka saleeqa bataya, yeh hamarey liye hai ke hum apney "rub" se kitney ajiz hain. Laikin agar "Qutba-e-ghadeeri" ya Qutba-e-Bayan" dekhengey to pata chalega ke Moula Ali (a.s)ke kya aiqtiyaraat hain, aur Allah ne unhey kitna Qud Muqtaar banaya hai. Baher kaif mein yahan 1100 Hijri tak ke is hadees ke asnaad pesh kar raha hoon. Aur bazahir aliyan waliullah kehney walon se sawal karta hoon ke wo "Dua-e-Kumail" ke paanch asnaad pesh karen, halankey mera is dua per bhi aqeeda hai kyun ke yeh bhi merey Moula Ali (a.s) se nisbat rakhti hai.

1100 sadi hijri ke Mohaddis Abdullah bin Noorallah Behrani shagird-e-Allama Mohammed Baqer Majlisi wald Taqi Majlisi, likhtey hain ke Mein ne Hadees-e-Kisa Allama Syed Hashim Behrani ki tehreer mein un ke qalm se likhi huwi dekhi, Hashim Behrani kehtey hain mein ne apney ustad Majid Behrani se Suni, Majid Behrani kehtey hain mein ne apney ustad shaheed-e-Saani se suni, Shaheed-e-Saani kehtey hain mein ne apney ustad Muqaddas Ardhabeli se suni, Muqaddas Ardhabeli kehtey hain mein ne apney ustad Mohakkey ke karki Ali bin Abdul Ali Karki se suni, Mohakkey ke karki kehtey hain mein ne apney ustad Ali Bin Hilal Jazayeri se suni, Ali Bin Hilal Jazairi kehtey hain mein ne apney ustad Ahmed bin Fahad Hilli se suni, Ahmed bin Fahad Hilli kehtey hain mein ne apney ustad, Ali Bin Hazar Hayeri se suni. Ali Bin Hazer Hayeri kehtey hain mein ne apney ustad Ziauddin Ali Bin Shamsuddin Mohammed Makki Shaheed-e-Awwal se suni, Ziauddin Ali kehtey hain mein ne apney walid Shaheed-e-Awwal se suni, Shamsuddin Mohammed Makki Shaheed-e-Awwal kehtey hain mein ne apney ustad Faqruddin Mohammed bin Hassan bin Yousuf ibn-e-Muthahar se suni, Faqruddin Mohammed kehtey hain mein ne apney walid Allama Hilli se suni, Allama Hilli kehtey hain mein ne apney ustad Naseeruddin Mohakkey Tusi se suni, Mohakkey Tusi kehtey hain, mein ne apney ustad ibn-e-numa Hilli se suni, Ibn-e-Numa Hilli i kehtey hain ke mein ne apney ustad ibn-e-Idrees Hilli se suni, Ibn-e-Idrees Hilli kehtey hain mein ne apney ustad Ibn-e-Hamza Tusi sahib-e-Saqeb un manaqeb (shiyat ki mashoor-o-maroof kitab) se suni, Ibn-e-Hamza Tusi kehtey hain ke mein ne apney ustad Mohammed ibn-e-shera shob se suni, Mohammed ibn-e-shera shob kehtey hain ke mein ne apney ustad Ahmed bin abitaleb tabrezi se suni, Abmed bin Abitaleb Tarbarsi kehtey hain ke mein ne apney ustad Hassan bin mohammed tusi se suni , Hassan bin Mohammed tusi kehtey hain mein ne apney Walid Sheik ut tayef abu jaffer-e-Tusi se suni, Sheik ut tayef abu jaffer-e-tusi kehtey hain mein ne apney ustad Sheikh-e-Mufeed se suni, Sehiekh-e-Mufeed kehtey hain mein ne apney ustad Ibn-e-khoulvey Qummi se suni, Ibn-e-Khoulvey Qummi kehtey hain mein ne apney ustad Mohammed bin Yaqoob Qulaini se suni, Mohammed bin yaqoob Qulaini kehteyhain ke mein ne apney ustad Ali bin Ibrahim Qummi se suni. Ali bin Ibrahim Qummi kehtey hain ke mein ne apney Walid Ibrahim bin Hashim se suni, Ibrahim bin hashim kehtey hain ke mein ne Ahmed bin Mohammed bin abu Nasar wazanti se suni, Ahmed bin mohammed bin abu nasar wazanti kehtey hain ke mein ne Qasim bin Yahiya Koofi se suni, Qasim bin Yahiya koofi kehtey hain ke mein ne abaan bin taghleb se suni, Abaan bin taghleb kehtey hain ke mein ne abu baseer se suni, Abu baseer kehtey hain ke mein ne Jaber-e-faffery se suni, Jaber-e-jaffery kehtey hain ke mein ne Jabir bin Abdullah ansari se suni, Jaber bin Abdullah ansari kehtey hain ke mein ne darwazey per qada hokar Qud Bibi-e-Zehra (s.a) se suni.

MASHA ALI J.J ...v gud goin sir...i wud like 2 share it wid oder momneen also,its realy a v grt piece ov work donw by u.