Muqalefin-e-khooni Matham ke Mu per Chappal zordar
#1
September 12, 11:19 am
Muqalefin-e-khooni Matham ke Mu per Chappal zordar
Moula Salamath rakhey is qoum ke matamdaron ko aur unkey is jazbey ko jiska muzahera kal (11th Sept 2009) unhoney Bibi ka alava, Hyd India, Panja-shah-e-wilayeth, Hyd India aur Koh-e-Moula Ali Hyd India mein kiya. Kassarath-e-majalis ke sabab mein Koh-e-moula ali nahi ja saka aur bibi ke alavey mein munaqid ki gayi majlis mein shareek huwa, jahan mein ne 7,8 saal ke sin se lekar 65, 70 sala sinn ke shiyaan-e-ali ko taasi-e-zarbath mein khama zani karta aur chehron wa libas ko khoon le luth puth dekha. Wahan se mein Panja-shah-e-wilayeth mein shirkath ki aur waisa hi josh aur usi tarha ka jazbah yahan per bhi dekhney ko mila, aur jo log Koh-e-Moula Ali per Majlis aur Matham mein shareek huwey unka kehna hai ke zari ke hamra kasserrath se Qama-zani wa zanjeer-zani huwi aur unka kehna hai ke majlis wa matham mein momineen kassarrath se shirkath kiye, aur ayeni shahedeen ka kahna hai ke "Neembowdey" tak matamdaar is tarha they ke 'til dharney ko jagah nahi thi' Is ke alawa aur bhi kayi maqamath per Qama Zani aur Shabi-e-tabooth ke hamra Zanjeer zani huwi.
Koh-e-Moula Ali se wapis honey waley eik group se meri baath huwi (purani haveli X roads per) aur jab mein ne unsey poocha ke "aap ko kafi ghahra zaqme aya hai aap merey saath chaliye durrey-shahvar hospital chalkar stitches lelijiye" ( jo 40 se 50 khadam door hai us muqam se jahan hamari baath ho rahi thi) to wo mard-e-momin shian-e-ali kaha ke "kaisi baath kar rahey ho aghajaan kham ke zakham ke liye stitches letey" tab mein us se kaha "atleast proper dressing karvalo" is per usney kaha ke "is qayamth ki raath mey mein dava khana jaunga aur ilaaj karvaunga?" Phir mein ne us shaks se kaha "daur-e-hazir ke mujthahedeen qooni matham ko haram (hurmath) kharar diye hain phir bhi aap qooni matham kartey hain" is per us hubdar-e-ali ne kaha "jis mujthahid ki mein taqleed karta hoon wo qooni matham ko haram nahi maantey aur jin ke mujthahed isey haram kharar diye wo bhaley na kaey laikin mein to karsakta hoon aur karunga" tab mein ne us matamdar ke nazariye ki mazeed tashree jaanney ki gharaz se eik aur sawal kiya "kal ko agar yeh mujthahed jis ki aap taqleed mein hain is amre ko haram kharar dedey, tab bhi kya aap qamazani karengey ya mujtahid ki itaath?" is baar dusra matamdar bol pada "bhai kya wo mujthahedeen padey likhey nahi hain, wo bhi to quran padkar kitaba padkar mujthahed baney wo aisa kyun bolengey (kahengey)?" Mujhey un bicharon ke khokley yaqeen per tharas aney laga, phir dusri bathon mein sab ke sab mashghool hogaye beech beech mein mein bhi kabhi kuch keh deta aur phir isi sonch mein pad jata ke kis tarha in logon tak yeh haqaiq pahonchana chahiye ke daur-e-hazir mein aisey mujthahedeen hain jinhoney isey haram kharar diya aur, aur bhi pata nahi kya kya kaha hai, jo kitabon mein to darj hai hi. Phir achanak jaisey mujhey boost kiya gaya ho, eik baath aisi merey zahen mein ayi jis sey mujhey laga ke yeh kisi khadre in bicharon ki ghalath fehmiya door karney ke liye kafi ho sakti hai. Mein ne us azadaar-e-ali-o-wali se muqatib huwa aur kaha "uloolil amre koun hotey hain?" usney seedhey se kehdiya ke "Masumen (a.s.)" phir mein ney us sey poocha "kya ghair-e-masoom bhi wali ul amre" ho sakta hai?" us khush aqeeda halali ne kaha "nahi hosakta aur yeh baath mein ne Jaffeiya mein padhi hai ke Masumen (a.s.) hi uloolil amre hain" (Jafferiya bahot hi khadeem deeni madarsa hai jo subha ke awaleen saathon mein hota hai aur hyderabad ka shahed hi koi shia ghar tha jis ka bacha wahan na padta tha ya uski kis shaaq mein nahi padta tha) tab mein ney us se kaha "bhai mein aapko eik ghair-e-masoom batata hoon jo apney aap ko waliul amre muslemeen honey ka dava karta hai" is per us ahl-e-aza ka kehna tha "bhai muslameen kisi ku bhi kuch bhi banaletey us se apney ku kya?" mujhey samajtey der nahi lagi ke wo banda shia aur musalmaan ko alaheda jaanta hai (jo ke haqq bhi hai) is per mein ne kaha "shia mujhtahedeen usey waliul amre muslameen maantey hain" is baar uskey thevar kuch ajeeb hogaye aur wo gussey ke marey mujhsey kehney laga "bhai aakhir aap logan aalimon ke pichey itna kyun padey huwey hain bhai?" wo bichara yeh samaj raha tha ke mein ne mujthahedeen aur daur-e-hazir ke ollema per tohmath bandhi hai mein ne kaha ke "aghajaan aap merey se kayi baar ahadees suney aur kayi baar koi masla raha to usko mujhsey share kiye aur mein aap ko kitab lakar bataya kya wo kitab kisi historian (mourriq) ke likhey they? ya kisi philospher key they? wo tamam taleef karda kisi aalim-e-deen hi ke they na?" mein ne unhey eik aur waqaya yaad dilaya phir kaha "kya aap ko yaad nahi ke hum "babul hawaij ke ashurkhaney (golkunda qila) ke paas baath kartey waqt mein ne kaha tha ke "un ollemah ki joothiyan hamarey sar per" tab aap khud mujhey tok kar kahey they ke "aghajaan sir per sirf Imam ki joothiyan keh saktey ollema ki nahi" "phir aaj aap merey muthaliq yeh sonch rahey hain ke mein ollema per thohmath laga raha hoon, bohthan baand raha hoon" is per wo thoda sa sard hogaya, tab mein ne us se kaha ke Yaadgaar-e-hussaini mein zanani majlis ho rahi hain jahan shirkath ke liye meri ahliya gayin huwi hain jo fajre ki namaz ke saath khatam hojati, jaisey hi meri ahliya ghar wapis ajaye mein aap ko kitab batata hoon. Hum intezaar kartey huwey alag mouzuhaat per baath kartey rahey, phir wo waqt bhi aya ke mein ghar jaakar "oriental Book House, Auqaf Market, Gasiyar, Hawal, Srinagar (Kashmir) India se 2009 mein publish huwi "Thouziul Masayel" (Isteftah aur unkey jawabaath) ba unwaan "awwal ibadaath duwam Mamelaath" taleef karda (so-called) Waliul amre muslameen, marja-e-taqleed hzt ayethullahel azmah syed ali al hussaini al khamnayi. jisey mein ney "Salman book depot" opposite Ibadath khana Darushifa, Hyderabad India se khareeda tha, laa kar bataya, us bicharey ka chehra dekhtey banta tha jab mein ne usey isi kitab ke safa No.31 per sawal No.65 ..........? ka jawab dikhaya likha hai "shiya faqeeh ke aitebaar se wali amre muslameen ke sadar karda wilayi wa sharayi awamar ki ithaath kanra aur is key amre va nahi ke samney sar tasleem qam karna tamam musalmano yahan tak ke tamam faquha-e-aazam per bhi wajib hai, chey jaika in ke muqalledeen per aur humwilayeth faqeh ke zumre ko islam ke zumram aur aimma ki wilayeth se juda nahi samajhtey. Aur phir kya huwa aur usney in haqaiq ko jaan kar apni ankhon se mushaheda kar ke kya kiya is ki tafseel likhunga to shayed baaz hazraath ki dilazari hogi. Lehaza mein sirf itna hi kahunga ke moula har hubdar ki ankhon ko isi tarha kholdey jis tarha aapney saher waley us hubdar aur uskey sathiyon ki ankho ko khola hai.
#2
September 12, 4:05 pm
YA ALI MADAD, JAZAKALLAH bhai , IMAM E WAQT A.J.T.F.S. Apko TAUFEEQ dain k ap HAQ UNKE hubdaron , ghulamon tak aise hi phonchate rahen..ELAHI AMEEN..iltemase dua , HAQ HAIDER
All times are GMT. The time now is 11:58 am.
