Merey pesh-e-nazar kuch shaksiyathein hain jinhoney kuch davey kiye hain, in mein se eik shaksiyath wo hai jiskey muthaliq Quran-e-majeed mein allah keh raha hai ke "rijs (khataein/najasath/jhoot wagiara) ko in hazraath(a.s) se itna door rakha hai jitna ke door rakhey ka haq hai" aur dusrey wo davedaar hain jin ke muthaliq allah ka irshaad hai ke yeh "murakkab hain khata wa nisiyaan sey" yaney al-muqtasar yeh ke eik taraf wo davedar hai jis ki sachayi ki tasdeeq khud allah kar raha hai aur dusrey tharaf wo davedaar hain jinki "khataon" wa "gunahon" ki tasdeeq bhi allah hi kar raha hai. Chaliye dekhtey hain ke wo Ali (a.s) jisey allah ne "siddique" ( siddique kehtey hain usey jiska kaha huwa sach ho jaiy) kaha hai kya dava kar rahey hain aur wo "Insaan" jisey allah ne khata wa gunaho ka murakkab kaha hai wo kya dava kar raha hai? Ab is key baad yeh padney waley per rahega ke wo kisey sacha maanta hai? kyun ke davey mein to koi eik hi sacha hoga.
Jin 2 kitabon se mein yeh bathein pesh kar raha hoon unkey naam aur moallif wa publishers kuch is tarha hain.
(1) "Nahajul Israar Man Kalam-e-Haider-e-Karrar" Vol.I, Taalif karda, Sultan ul ollema Moulvi Syed Ghulam Hussain Raza Agha Mujthahed, Hyderabad Deccan (Jo ke ab Wakil bhi hain agha al-al-khamnayi aur agha sistani key) jo 1399 Hij mutabeq 1978 AD yaney 31 baras pehley Kazmi Printing press Hyderabad se shaey huwi aur jisey kayee publishers ne publish kiya yahan tak ke Pakistan mein bhi publish huwi hai. Aur is ki E-Book www.ziaraat.com aur www.hubeali.com per moujood hai. Aur yeh eik mustanid kitab hai. Ab is kitab mey jo qutbaath hain wo isi liye bhi mustanid maney jaingey kyun ke awamun-naas ka yeh manna hai ke dushmanaan-e-ahlebaith (a.s) ne ghair ghalath ahadeeson ko ya qutbon ko masumeen (a.s) se nisbath dedi hai aur Mujthahedeen Hazraath ilm-e-rijaal aur deegar uloom ke zariye se isey jaanchtey hain aur jo sahi ho usey hum tak pahonchatey hain. To ab is kitab jiskey moullif Mujthahid hon ismein darj qutbon ko ya ahadees ko kam-az-kam "zayeef" ya (mazallah) ghalath nahi mana jaiga.
(2) "Thouzi-ul-Masayel" Moallif wali-ul-amre muslameen, Wa Marja-e-Taqleed, Ayethullah ul Ozmah Syed Ali-al-Hussaini al-Khamnayi. sun-e-rawan yaney 2009 mein Oriental Book House, Auqaaf Market, Srinagar, kashmir India se Amaan Publishers ki publish huwi kitab jo Sawalath aur jawabath per base karti hai.
Jaisa ke aapney dekha hoga ke Thouziul masayel ke Moallif-e-mausoof ke naam ke saath kuch alqaab-o-manaseb ka zikre hai, to chaliye hum yeh dekhney ki koshish karengey ke goya yeh manaseb jiska yeh dava kartey hain yeh inkey liye, yaney "ibn-e-adam" ke liye mouzu hai? Kya koi ibn-e-adam in manaseb ka ahle hai?
Niyabath:- Nayeb-e-Imam:-
Chaliye dekhtey hain ke Moula-e-Kainaath (a.s) is muthaliq kya kehtey hain? hawala (Nahajul Israar Qutba-e-Tareeq Safa No.112) Imam kya hota hai is ke taaruf mein Moula (a.s) ne qutba diya aur safa No.112 per keh rahey hain key "......Wo (Imam) tamam gunahon se Jumla Aibon se Mubarra aur Ghaib ki bathon se Muthela rehta hai, Is ka zahir eik aisa amre hai jis per koi Maheeth nahi ho sakta, iska bathin aisa ghaib hai jiska koi idraak nahi kar sakta, wo wahed rozgar aur khuda ke "Amre" wa "Nahi" mein is ka khalifa hota hai, Na iska koi "Masle" wa "Nazeer" hai aur na koi iska "Badle" Qutbey ke yeh jumley wazahat kar rahey hain ke Imam (a.s) ka koi bhi yaney ibn-e-adam nayeb nahi ho sakta, aur wo log jo kisi ibn-e-adam ko Imam (a.s) ka nayeb maantey hain wo illath yeh bayan kartey hain ke chunanchey Imam (ajtfj) ghaibath-e-kubra mein hain lehaza wo falan ko apna nayeb banaye hain. "Falan" ba haisiyath-e-nayeb un kaamo ki anjaam deyi ke mukallif hain jin kamo ke anjaam deyi ke mukallim Aimma (a.s) hain. Jaisa ke "Amre" wa "Nahi" ke mamelaath. Jis baath ka dava Wali-e-faqeeh-e-awwal agha Khumaini apni kitab "Hukumath-e-Islamiya" (urdu) translation ke safa No.75 per in kalmaath se kiye hain. "Faquha (mujtahedeen-e-shia) wasi-e-rasool hain, wo tamam un Umoor ki anjaam dehi ke mukallif hain jin Umoor ki anjaam dehi ke mukallif aimma (a.s) they" Aur Imam (a.s) keh rahey hain ke koi bhi inka na nazeer ho sakta Na masle ho sakta aur na Badle ho sakta. Ab Faisla aap ke haat hai ke kisi ibn-e-adam ko Nayeb-e-Imam maney ya phir jo koi apney aap ko Nayeb-e-Imam honey ka dava karey usey jhoota aur ahl-e-baith (a.s) ka muqalef maney.
Kya kisi ghair-e-masoom ya ibn-e-adam ki ithaath hum per wajib ho sakti hai?
Thouziul masayel ke safa No.31 per Sawal No.65 ke jawab mein mousoof keh rahey hain ke "shiya faqeehke aitebaar se wali amre muslameen ke sadar karda wilayi wa sharayiawamar ki ithaath kanra aur is key amre va nahi ke samney sar tasleemqam karna tamam musalmano yahan tak ke tamam faquha-e-aazam per bhiwajib hai, chey jaika in ke muqalledeen per aur humwilayeth faqeh kezumre ko islam ke zumram aur aimma ki wilayeth se juda nahi samajhtey.
Chaliye ab dekhtey hain ke Imam (a.s) kya keh rahey hain?
Nahjul Israar Qutba-e-Thareeq Safa No.116 per qutbey ke yeh fiqrey darj hain "Quda kis tarha apney bandon per aisey shaks ki ithaath farz kar sakta hai jis se aasman wa zameen ke malkooth poshidah hon?" Qutbey ke in fiqron se to yehi pata chalta hai ke Allah, Rasoolallah (saws) aur Aimma (a.s) hi ki ithaath wajib hai. Phir yeh ghair-e-masoom aur ibn-e-adam ka dava ke is shaks ki ithaath tamam musalmano yahan tak ke tamam faquha-e-aazam per bhi wajib hai kis khadre sahi hai?
Ayethullah Koun hai?:-
Allama Baqer Majlisi jin ki rehlat 1698 A.D mein huwi is se qable ayethullah sirf Masumeen (a.s) hi ko kaha jaatha tha Baqer Majlisi (r.a) ki rehlath ke baad jab shiyath mein Ijtehaad shuru huwa to us ijtehaad ka yeh bhi eik natija hai ke ghair-e-masoom ko bhi ayethullah kehney lagey. Warna Yaqub-e-kulaini (r.a), Sheikh-e-tusi, Ardhbeli, Sheikh-e-Mufeed, Allama Hilli, aur deegar Ollema-e-haq ke naam ke saath kabhi ayethullah nahi milega. Qair humey is se kya ke koun ghair-e-masoom apney aap ko ayethullah kahelwata hai? Hum to yehi dekhengey ke Imam (a.s) ke nazdeek ayethullah koun hai? Qutba-e-Tariq, Nahajul Israar Safa No.109 per darj hai "Aye thareeq Imam Kalmathullah, Hujjathullah, Noorallah, Ehjabullah aur Ayethullah hota hai, is ko quda muntaqib karta hai aur jo kuch chahata hai isko ata karta hai...." Imam (a.s) to keh rahey hain ke ayethullah ka inteqaab allah karta hai aur wo Imam hota hai aur to aur wo allah ka parda hota hai. Ab aap log hi tai karey ke koun apney davey mein sacha hai?
Inshallah agley post mein Waliul amre koun hota hai? aur Kis ko haq hasil hai ke wo Haram aur Halal tai karey is per tafseeli baath hogi aur mukammil hawalon ke saath. Bahot mumkin ho ke jinhey aap ajtak kisi sabab ghalath jaankar unsey nafrath kartey rahey ho, aur wo az-rooh-e-Qaoul-e-Imam (a.s) sahi ho to us shaks ya us firqey se adavath ke sabab aap haq se na mu modey, shaksi adavath fitri baath hai, lehaza apni adavath ko apney deen per ghalib na aney dey, Allah ka bhi kuch aisa hi Hukum hai. Sura-e-Maida ayeth Nishan 8.[5:8] Ya eyyühellezıne amenu kunukavvamıne lillahi şühedae bil kıstı ve la yecrimenneküm şeneanü kavminala ella ta'dilu ı'dilu hüve akrabü lit takva vettekullah innellahehabırum bi ma ta'melun [Translation] [5:8] Believers, be dutiful toAllah and bearers of just witness. Do not allow your hatred for otherpeople to turn you away from justice. Deal justly; it is nearer topiety. Have fear of Allah; Allah is Aware of what you do
mola aap ko salamat rakhy.laraib sachy aaima masoomeen a.s hen.baaqi sb davedaar jhooty hen,iss hadeeth tariq m mola mazeed framaty hen,"chon k allah ne apny nabi ko tammam guzashita aor aainda ka illim diya tha uss k osiya muntajboon uss raaz k waris hoey,jo iss baat se inkar kry wo budbakhit aor malooun hy,uss pr khuda laanat krta hy aor laant krny waly laanat krty hen(nahijul israr.page no:116)
