ANJUMAN-E-MASOOMEEN
Jhon bin saber Panchvi pusht hai shabbir ki madahi mei
Zahen ke jharokoun mei jab yadoun ki shame dheeme dheeme jhilmilane lagti hai to naslan
baad naslin khanwad-e-rasool as islam ke zikro masaeb karne wale khanwade yekser zahen
ke parde par obhar aate hai shehr-e-aza hyderabad mei aise kayee khandan hai jinhe
musalsil qidmaat aza ki sa,aadat naseeb se naseeb huwi- in mei ek numaya aur
mushhoor-o-maroof khanwad-e-mirsaber ali bhi hai inke farzand john bin saber ko
yeh aezaz hasil hai ke woh shabbir ki madahi mei panchvi pusht mei shamil hai agar chaike
koocha-e-kam nazraan mei isharae misrgaan samajhne wale bohat kam hote hai isliye
jumbish-e-qalam se karbala ke haq par satoun ke zikr ko apna nasab-ul-aein bananewale
john bin saber ki khudadad salahiyatoun ko ujagar karne apne ahsas ko alfaaz ke paikar
mei dhaalte huwe mujhe muqtesaran itna likhna hai saber ki tarah john bin saber bhi apne
purdard aawaz mei nouha sara hote hain to yeh inkshaaf hota hai insani aawaz ek seher bhi
hoti hai ke sunne wala patthar ke butoun ki tarha sakat-o-samat hokar john ki aawaz ke liye
sarapa gosh bankar rehjata hai maine phool ki patti se heere ka jigar kat te toh nahi dekha
laikin john ki aawaz ke peeche se zulm ki aahni bediyoun aur fouladi zanjeeroun ko kat te
dekha hai- aza-e-hussain ki duniya mei john ki seher afreen aawaz sama,at ke mutasir kin
rastoun se guzarti hai toh aansuon ka ek sail rawaan umad aata hai- john ne jab hosh
sambhala tab majalis-e-aza ke afaq par apne pidar mir saber ali ke sooraj ka tuloo,
tuloo dekha jo apni dard angez aawaz ka jadu jagakar arbab-e-aza ka dil jeet lete
hai- mahoul-e-aza me saans lete lete john ne qudrat ke dast fayaz se milee nouha
nawaz salahiyatoun ko ubhaarne me koi kasar baqi nahi rakhi aur nisbat ki badoulat
is salahiyat ko fana naamumkin hai-john in dinou america me aza-e-hussain ka parcham
buland rakhne maasoomeen foundation ki binaa daal kar beshumar dostoun ke saath
masroof aza rehte hai-meri dua hai ke arbab-e-aza ko john bin saber jaise basalahiyatnouhanawaz
ki sahi qad rawani ki toufeeq ata kare take woh karbala ke shaheedoun ka zikr karne waloun ki
hosla afzai karte rahe- <aameen>
Mir Taqi Ali Khan Abedi
youn tou ghabate kubra mein momineen pe bohat se zimadarayain aayed hoti hein lekin sub se aham zimadari imam ajf ka intezaar kerna hei ...aur aesa intezaar ke jis se intezaar ka haq ada ho jaye ..agar hum shidaat se un ka intezaar karein ge to hum apne baqi faraeiz bhi sahi tor se seranjaam dein gai...Imam Jafer Sadiq a.s ne fermaya ke jab mera ye farzand zahoor keray ga to is ke manany walon me se do tehai log is ke mukhalif ho jayien gei haq se moun morein gei..aur is ke khilaaf alam-e-jang buland kerien gei...yeh shetaan ki akhri koshish ho gie ke woh hum ko behkaye ...to ye aik almia he ke humari zindagi to Imam ajf ka intezaar kertey guzre aur jub aap zahoor fermayien to hamara shumaar un ke mukhalifeen mein se ho imam ke zahoor ke waqt jo log un ki mukhalafat kerein ge un mein aise kharabi ho gi jo unhey imam ajf ka mukhalif bana de gi agar hum apni zimadariyon ko pura kertei rahein to is gumrahi se bach sektey hein werna hum khasare mein hoon ge......kia is khasare se chutkara pane ka koi tareqa hei....is khasare se chutkara pane ka wahid tareqa he ke hum ghebate kubra mein imam ajf ke sath apna rabta ustwar rakhein ta ke zahoor ke waqt hum un ko pehchaan sakein .....
ab sawal ye he ke kesay ......
ulma akram ke mutabiq 50 amaal aesy hein jo ghabate kubra mein anjaam deney se imam ajf ke zahoor ke waqt humein un ko pehchaan leney mein madad kerein gei....un me se chand yeh hein ....
SHUB - E - JUMA aur ROZ - E - JUMA
Allah ne shub-e-juma aur aur roz-e-juma ko imam ajf se makhsoos kia he..imam ajf ka zahoor is waqt ho ga jab shab-e-juma apne ikhtamam per aur jume ki fajar talooh ho rahi ho gi ...masoom a.s ne fermaya juma ke din ko zaya na kero ibadat mein susti na dikhao is din atayat ka sawab dugna aur gunah ka azab dugna hei ...
hazrat yusaf a.s ne apne walid se apne gunahoon ki bakhsish ki derkhawast ki unhon ne fermaya me bohat jalad tumhare liye talab-e-mughfarat keron ga is takheer ka sabab ye tha ke woh shab-e-juma mein saher ke waqt dua kerna chahtey thei...hadees mein he ke zameen o aasmaan mein jo kuch bhi he yahan tak ke sitare aur farishtey bhi Allah ne jumey ke din hi peda kiye....jis din hazrat adam peda howey in ke jism mein rooh dali gayi aur farishtoon ne Allah ke hukam se in ko sajda kia aur hazrat adam jannat mein dakhil howay aur hazrat hawa hazrat adam ke liye peda howein ye jumey ka din tha.....
isi din hazrat adam o hawa (a.s) ki toba qabool howi isi din aag hazrat ibrahim(a.s) ke liye gulzaar bani hazrat yaqoob (a.s) se bala door howi....rasool allah saw ne isi din janab-e-ameer (a.s)ko apna khaleefa banaya ....hamare imam ajf ka zahoor bhi isi din aur qayamat bhi isi din berpa ho gi ...aik hadees mein he ke shab ya roz-e-juma mein merney wala shaheed kehlaye ga aur fishar-e-qabar se mehfooz rahe ga aur qayamat mein Ahlebait (a.s)ke sath mehshoor ho ga ...
AREEZA.....
jumeraat ke din ghroob-e-aftab ke waqt imam ajf ko areeza dalna chaheiy.areeza ke mani derkhwast pesh kerne ke hein yani imam ajf ko waseela bana ker jab tak imam ajf se mulaqaat nahi ho jati aap ki khidmat mein areeza pesh kerta he ...areeza pani ya masoom ki zareh ya phir zameen mein dafan ker dena chaheiy..
DAROOD
aik aham amal darood paak hei imam Jafer Sadiq (a.s) se riwayet he ke Ale mohammad pe darood bhejana hazaar neikiyon ke brabaer he is se hazaar derjey buland aur hazaar gunah maaf hotey hein ...jumeraat ke din se leker roz-e-juma ke ikhtamaam tak 100 baar ye darood perhein ....
Allah huma sale ala Mohammad wa ale Mohammad wa ajal ferja hum wa ahlek aadaiyehim minal jina wal ins min al awalleen walaakherein......
NAMAZ_E_TAHAJUD
ye namaz (11) rakat he yoon tou is ko ghebate kubra mein her rooz perhna chaheiy lekin agar rozana nahi tou shab-e-juma zaroor perhein ...namaz-e-shab se rohani taqat hasil hoti hei aur ye imam ajf se rabta qaim kerne ka behtreen tareeqa hei is namaz ke tawasat se imam ajf se madad mangein phir dekhein kitni jald imam ajf mushkil hal kertein hein imam (a.s)ne teen kamoon ko anjaam deney ki takeed ki he
1) NAMAZ-E-TAHAJUD
2) ZIARAT-E-JAMIYA
3) ZIARAT-E-AASHURA
roz-e-juma namaze fajr ke baad imam-e-zamana ajf ki ziarat perhein juma ke din ka aghaaz imam ajf ke haath per baeit se kerein ... hum kahein bhi hoon is din hum imam ajf ke mehmaan hein ....is ziarat ka akhri jumla yeh he ke ae Allah yeh ahed aur yeh baeit jo mein ne imam ajf se kiya is ka touq qayamat tak meri gerdan pe rahe ....ibn-e-taous ke mutabiq agar koi 40 din tak is dua ko perhta rahey to imam ajf ke zahoor ke waqt imam ajf ke saathioun me se ho ga ...
DUA-E-NUDBA
is dua ka waqt suraj nikelney se le ker do ghantey tak ka hei .....4 mowaqey per is ka perhna sawab hei ....
1) Eid - ul -Fitar
2) Eid - ul - Adha
3) Eid - e - Ghadeer
4) Shab - e - qadar
nudba ke maani rooney aur girgraney ke hein ....koi sakhs jo imam ajf ki judai mein rota aur feryad kerta hei kisie bachey ki manand ....aur apne takleef aur pereshani ko imam ajf se beyan kerta hei rawayet he ke is dua ko perhney waley ke pass imam tashreef latey hein imam a.s ne fermaya ke hamare shia 4 eidon mein humey zaroor yaad kertey hein jab pucha kesey to aap a.s ne dua-e-nudba taleem di
aap ne fermaya
dua-e-nudba hamari yaad hei
dua-e-nudba hamara islam hei
dua-e-nudba hamari ziarat hei
agar ziarat-e-warsa imam hussain a.s se mukhtib honey ka tareeqa hei to dua-e-nudba imam -e- zamana ko pukarney ka zariya hei....
is ke alawa jo aamaal roz-e-juma se munslik hein un mein
1) ziarat - e - aleyaseen
2) ziarat - e - isteghasa
3) namaz - e - imam-e-zamana
Allah humey in amaal ko pura kerne aur imam -e- zamana ajf ka intezaar puri shidat aur mohabbat se kerne aur un ke zahoor ke waqt hamara shumaar un ke saatheioun mein kerey... ... Ilahi Ameen......
sheeza (177)
rizwan_musavi (132)
mohsin_raza218 (84)
arif_zaidi (48)
asma (45)
tabarayi (43)
hassan_abbayz (38)
